Shek O! - (II)

往村入面看！十分休閒寧靜！如果有間渡假屋係度就一流啦！

Shek O! - (I)

好耐無去過石澳啦！估吾到轉變左好多！多左好多色彩繽紛的小屋！有橙色！黃色！綠色！粉紅色........！真係好正！本人最鍾意呢間橙色屋！
稍後仲有更多相片！

外賣事件！

尋晚因為開OT叫左個外賣！因為自己太忙做做下！點解個外賣咁耐都未來呢！睇下個鐘原來都等左個幾鐘頭！跟住當然打落去問啦！答覆係已經送左好耐羅喎！錢都收埋喎！啊！我當街打個突啦！跟住我問咁究竟送左去邊度啊？跟住核對之下送左去隔鄰公司！咁負責人話上來睇睇！咁OK啦！咁我又走出去𥄫下！的確出面見到好多飯盒！原來隔鄰公司今晚好大棚人係度拍緊野！又係叫同一間外賣！係呢個時候茶餐負責人終於上到來啦！佢係隔鄰公司就羅左Ｄ飯盒過來！但有一盒就俾人食左！跟住負責人當然SA晒箖啦！話即刻落去整返上來！仲話送汽水送湯俾我地補數！咁算啦！跟住我都食晒個飯盒啦！都相隔半個鐘度！我同事個個仲未補上來！又打落去問！又答又送左去羅喎！我答佢咁你今次又送左去邊啊！不如你聽日Lunch先再送過來啦！咁負責人又話親自上來搞返點佢！咁我俾埋呢次機會佢！定係門口恭候佢！跟住見佢又去返隔鄰公司羅返個飯盒！你話有無搞Ｘ錯啊！我話你今次又送返Ｄ咩俾我啊！送間茶餐俾我啊！唉！真係叫個外賣姐！真係咁難送！佢Ｄ伙計都吾知點做野架！真係吾鬧爆你都吾得！真係好無耐！

一舊雲！

有時自己都好似舊雲咁！個腦一片空白！乜野都諗吾到！

有好野推介！

各位有追開【火影忍者】既朋友請注意！吾想追電視既進度！再加上TVB好快就吾做啦！大家可以係呢度睇！呢個網有齊1-240集！而且會不斷更新！我而家都係睇到去240集！
Click Me!

日與夜！

Click HERE！
日出日落！

PSP Slim and Lite!

PSP 終於出左SLIM版！而且有多左個TV Output！可以Rec電視！正！

WakeBoaDay!

已經相隔兩年無去滑水啦！今年第一次滑水！好在仲可以企穩！但體力就差左很多！玩十五分鐘已經好攰！以前可以玩好耐！真係生疏晒！

全海景！

星期六去左西貢遊船河！天氣十分好！可以進行所有水上活：游水！滑水！沙灘排球等！正！

天氣好！空氣好！

近排我發覺香港既空氣真係好左好多！無論去到邊都都係藍天白雲！而且能見度仲吾錯！望過對面海Ｄ景都好清晰！連新聞都話香港既空氣有改善！比以前好左好多！最重要就係好天影相都特別靚Ｄ！

愉景灣！

好悠閒既一個地方！絕對可以帶給寧靜既地方！就好似相中咁“風平浪靜！水平如鏡”！好似個湖面咁！

Amazing Must See Samsung Dance!

真係好勁啊！

HERMÉS Exhibition!

呢個牌子相信我吾洗多講！係女人都識同愛戴既牌子HERMÉS！相當出名的法國牌子！係金鐘Pacific Place搞左個展覽！相當吾錯！名牌子搞既展覽真係好有睇頭！

Osage - Castles in the Sky !

又一推介！

MegaBox!

一個好吾點既商場！無論去或返！等接駁巴士係一個大問題！如果去一個商場係咁麻煩既！我係會選擇吾去羅！同埋呢個露台咁正！應該𢴇正Ｄ啦！

火影忍者！

近排開始追返呢套卡通片！雖然無綫未播呢套野之前！以前都有睇！但由於以前太忙睇下斷下！跟住都無睇啦！但而家無線開始播返！又開始追返！

十年大餐！

今日親自下厨煮了一餐！招呼母親！
頭盤：鵝肝三文魚沙律！
主菜：露筍煮牛扒！
番茄蜆肉意大利粉！
甜品：士多啤梨雪糕！

好設計！

呢架Shopping Car幾有創意！等Ｄ大人可以放心買野！而Ｄ細路又玩得開心！簡直一石二鳥！