Night!

沒有ＭＳＮ的日子！

由於地震關係！震斷晒所有ＭＳＮ！ 就等於將我地朋友全部震斷！失去聯絡！真係好似發生左一場地震一樣！但係係我地既網絡世界！餘震未了.......！還要等多幾日！沒有ＭＳＮ的日子在Office真的很難過！

狂歡聖誕夜！

今晚過了一個非常狂歡既聖誕Party！ 真係玩到聲嘶力竭！嘈到拆天！笑到爆肚！無野好講！
More Pic!

鵝捉角委勝蛋塊落呀!

係度祝大家聖誕快樂！新年進步！盡快揾到自己條蕉！過個蕉氣勃勃的聖誕！Ha...!

Sofa 出世啦！

呢套係講兩代溝通的問題！你同你既屋企人就算坐係同一張SOFA度！但都吾會講一句野！你同屋企人之間就會越來越疏離！就算坐得好近都好似好遠咁！個Gap會越來越大！但無論如何！實找到有Ｄ野係沒有代溝既！只要一句關懷都可以打破隔膜！
你會吾會都係咁呢？

幸福摩天輪！

今日係我交Final Project既大日子！即係我既囍事啊！當我入課室既時候就見到個摩天輪係出邊！嘩！好正,好興奮！簡直同我將要Present既心情一樣！今日各自睇大家既Final Project都好開心！估吾到好多同學都好期待我同阿Hong既作品！即刻有種無形既壓力！終於由我地Present先！過程都相當順利！有好多穿崩位大家都無挑剔！都有同學讚賞！但當然自己知自己事啦！其實出來同我預計既有Ｄ距離！好多製作上既困難解決吾到！同埋用自己部機做3D animation真係吾掂！自己部機太差啦！我試過用我自己部機Render一分鐘既animation都Render左四日三夜！真係吾易！我都做到灰！好在得到學校既阿Sir幫助可以用學校既機Render! Render問題先得而解決！但最後雖然都係吾滿意！但我地以盡左最大努力！用我地緊有既資源來製作！但可以製作自己既一段作品都幾滿足！亦係我讀呢個課程既目的！大家請支持3D動畫！多謝阿Hong！好感激佢同我一齊好辛苦咁完成佢！My Best Partner!

吾好意思！今日特別長氣！因為幾日無講過野啦！Ha....!仲有今日睇了大家既作品！我覺得大家都係好認真努力去做既！而且大家都係通晒頂咁做！做到最好！而我好朋友阿Jack做得幾好好！其實我都好期待你既作品家！我好鐘意你萬花筒個段！正！好靚啊！你都ＰＯＳＴ出來俾我Ｄ朋友睇下啦！

休息！

LEGO聖誕禮物！

今年最早收到既聖誕禮物！正LEGO聖誕老人！剛剛由日本返來！在此特謝肥肥仁！多謝佢份聖誕禮物！

聖誕禮物！

又到了為購買聖誕禮物而煩惱既時候！因為太多禮物要買啦！朋友、同事和屋企人都排住隊要交換禮物！十分頭痛！同咪款飾花多眼亂！真係吾知點買......！今年Ｄ精品特別靚！好多都好鍾意！買了又吾捨得送俾人！Ha...!特別鍾意呢棵水晶聖誕樹！

黃昏!

黃昏代表什麼？黃昏代表一日既結束！通常望到日落就係我地差不多收工既時候！但我地好難會係日落既時候收到工！我相信大家都係！近排我既收工時間係去到零晨0:00!真係第二日既開始！X'mas前夕特別多野做！我好耐無係日落既時候收工啦！夏天都會有Ｄ機會！≪日出而作，日入而息≫呢句話係現今社會已不適用了！

英雄系列！

大家知吾知呢幅係咩來架呢？就咁睇好似一幅畫！但吾係！佢係一件陶瓷！係由北京既一位藝術家沈敬東的創作！佢創作一套陶瓷叫≪英雄系列≫！呢套陶瓷好正好特別！而且藝術價值很高！可以比美一幅名畫！證明中國陶瓷藝術有新突破！吾再侷限係一Ｄ古典藝術既陶瓷！好似乜朝乜代既古董呢Ｄ！呢套≪英雄系列≫我個人認為係陶瓷Figure!可惜我找吾到其它Figure相片！正面仲正！不過如果佢係一幅畫都好正！

太陽定月亮？

今日個天又好特別！個太陽俾Ｄ雲遮住！若隱若現！睇睇下又好似月亮！真搞笑！

相機測試！

近排為買相機而煩惱！特問朋友借左部相機來試影！Leica-LUX３!真係幾正！但價錢太貴了！

IFC(II)

月光下的IFC!可惜影得個月光吾Sharp!如果影到個月光好清就正羅！可惜部相機吾得！真係要買部Pro既相機先得！因為有時眼見Ｄ野靚！但影吾到出來真係好慘架！因為不可以將最靚個刻留住同人分享！

IFC！

對住此景吃飯真係一流！無得頂！

錯視藝術!

今日Lunch Time 走左去太古坊睇左個街頭錯視藝術!因為都係公司附近！平時呢Ｄ立體畫只會係網度睇到！但今次真係親身感受到！同埋即場係地下畫！真係好考功力！但我去睇既時候Ｄ畫仲未畫完！同埋現場有好多問答遊戲同紀念品！仲有Ｄ錯視攤位擺設！整個Show都吾錯！但有一樣令我覺得佢吾尊重藝術！因為佢吾俾Ｄ藝術家畫係地下！要Ｄ藝術家用張紙係地下畫！有Ｄ失色羅！但都值得一睇！支持！大家有時間走去睇睇！

考考大家圖二既答案係乜野！