主菜10-(帝皇湖)!

跟住繼續為大家介紹第十道主菜係德國︰帝皇湖！亦係最後一道菜！帝皇湖呢道真係好正！因為佢近雪山！所以湖入面既水都係雪水！特別清澈透底！而且近雪山所以Ｄ空氣都中清新Ｄ！吸啖空氣都特別醒神！

主菜9-(薩爾斯堡)

跟住繼續為大家介紹都係奧地利︰薩爾斯堡！呢度係一個小鎮！自然風光非常靚！亦係莫札特既故居！而薩爾斯堡以呢個米拉貝爾花園較為出名！入面Ｄ花係砌到好似音符咁！而且花種又多！幾有特色！仲有係薩爾斯堡呢度可以望到瑞士既阿爾卑斯山！非常靚！

主菜9-(維也納2)

跟住繼續為大家介紹都係維也納：英雄廣場、約翰史特勞斯公園！好多當地人會係呢個英雄廣場既大草地上放狗、讀書、瞓覺、野餐、談情、曬太陽等！十分正！感覺就好似去左沙灘一樣！好Free啊！但香港既草地絕對吾會係你咁做！你經常會見到個《請勿踐踏》呢個牌！香港既草地係俾人睇！外國既草地係俾人用！真係好大分別！

主菜9-(維也納1)

跟住繼續為大家介紹第九道主菜係奧地利︰維也納！維也納真係一個音樂同藝術結合既城市！我真係好鍾意呢度！周圍都會見到音樂、歌劇同埋好多畫展！好正！呢度起碼要分幾次來介紹！首先我地先睇下維也納最大既皇宮(遜布倫宫)！真係好大！淨係個皇宮起碼都要行成個鐘！個後花園仲大！有兩三個維園咁大！真係行到無氣！行完真係吾想返轉頭！勁！

主菜8-(多腦河)

跟住繼續為大家介紹第八道主菜係匈牙利︰男人多老婆(多腦河)！呢度係唯一令我失望既一個景點！一條非常之普通既一條河！而且河水又混濁！同我想像既完全吾同！有點失望！

主菜7-(布達貝斯)

跟住繼續為大家介紹第七道主菜係匈牙利︰布達貝斯-漁夫堡！係呢度可以睇晒布達貝斯既全景！非常正！再加上個日天氣相當好！陽光又温和！我都係度坐左半個鐘吾想郁！一面歡欣賞下布達貝斯全景﹠一面曬下太陽！最特別個天空度出現左個心形圖案！真神奇！
今次由於用左個新Sofwear來Merge photo！好正！吾會出現光暗情況！不過可惜係Demo版！Merge完會見到佢係我張相度賣廣告！Shit...！

主菜6-(布拉廸斯拉瓦/布達貝斯)

跟住繼續為大家介紹第六道主菜係斯洛伐克︰布拉廸斯拉瓦﹠布達貝斯！首先布拉廸斯拉瓦呢個城市無乜特別！最特別就係遇上遊行示威！埸面震撼！有出現吹雷彈！好彩我地走左姐！大家可以睇影片！
而布達貝斯相信我吾洗多講！呢度又係一個出名既地方！大家如果有睇過《布達貝斯之戀》呢套戲！就知道入面既景係相當靚既！無睇過吾緊要！可以睇返我Ｄ相！Ha...!

中途站-日出

大家一下子食左我咁多道菜！一定有Ｄ飽飽Ｄ！係我未正式介紹第六道菜斯洛伐克︰布拉廸斯拉瓦之前！大家睇一睇布拉廸斯拉瓦既日出！係去歐洲期間一直都想影下日出！估吾有朝早係酒店度無拉拉醒左！見到窗口到有Ｄ橙光射入來！即刻拉開個窗簾！係日出啊！即刻攞相機影底！YEAH！

主菜5-(古姆洛夫)

跟住為大家介紹第五道主菜係捷克︰古姆洛夫！呢度係屬於一個偏僻既小鎮！無其它公共交通可以到達！呢度既環境非常寧靜！係渡假既好地方！而且呢度買野同埋食野都平好多！尤其係買野！呢度Ｄ人相當nice！買野又可以講價！真係吾錯！比起德國既班貝格還要休閒寫意！仲有呢度既所有酒店都係由以前Ｄ有錢人既大屋改成！十分有特色！有主人房、客人房、工人房等分級！我上次應該係住左工人房！無計抽吾中主人房！所以房間比較細！但就係最高個層！有景睇都吾錯！不過係酒店入面經常行錯路！因為入面好似個古堡咁！但幾有趣！